سؤال وجواب (س و ج ) لكل مايخص مشروع البحث

السلام عليكم ورحمة الله وبركاته

كل مايخص البحث في شكل سؤال وجواب.

زائرنا العزيز نعلم أن موضوع المشروعات البحثية التي طلبت من طلاب المرحلتي الابتدائية والإعدادية هي الشغل الشاغل الآن في معظم بيوت الشعب المصري ، لا داعي للقلق تمامًا الأمر كله بسيط فقط تعرف ما المطلوب وتبيسيطه وستجد أن الأمر من أبسط مايكون  .. هناك الكثير من الأسئلة تدور في رأسك من أول يوم قال فيه وزير التربية والتعليم أنه سيتم عمل مشروع بحثي وستجد في هذا المقال إن شاء الله إجابات شاملة ووافية لكل تلك الأسئلة التي تحيرك

س/ هل يشترط ان يكون البحث بخط يد التلميذ؟ ام له حق الاختيار بتسليمه word او بخط يدوى؟

اكتب بالكمبيوتر على برنامج ال word أو بخط الطالب كيفما تيسر لك ليست هناك مشكلة في ذلك وإن كان بالكمبيوتر أفضل ولكن الأهم أن يكون من إعداد الطالب سواء كتبه على الكمبيوتر أو بخط الإيد.

س/ قمت بعمل البحث في مجموعة كيف سأسلمه ؟ هل بحث واحد للمجموعة أم لكل طالب نسخة منفصلة ؟

يقوم طالب واحد فقط في المجموعة برفع البحث إلكترونيا أو تسليمه في المدرسة ورقيا بعد التاكد من كتابة أكواد أعضاء مجموعته على الظرف ( إن كان سيسلمه ورقيا ) أو في خانة التفاصيل ( إن كان سيسلمه الكترونيا )

س/ هل يجوز تسليم البحث مرة على المنصة إلكترونيا ومرة أخرى ورقيا في المدرسة ؟

لا ، يكون تقديم البحث مرة واحدة فقط إما ورقيا في المدرسة أو الكترونيا على المنصة.

س/ الطالب الذي سيسلم البحث ورقيا يقدمه بخط اليد أم مطبوع ؟

للطالب الحرية في ذلك ، إما أن يكتبه بخط اليد أو يكتبه على الكمبيوتر ويقوم بطباعته

س/ من سيقيم البحث ؟

لا تشغل نفسك بهذه الأمور ، على كل حال لن يقوم أي معلم فصل بتقييم أبحاث طلابه.

س/ ما المطلوب من التلميذ بعد تسليم البحث للمدرسة ؟

بمجرد ان قامت المدرسة بتسلم البحث منك انتهت مهمتك ولا تقلق بسأن هذا أصبح بحثك الآن تحت مسئولية مدرستك

س/ إزاى اعرف إن بحثي هيتقبل أو لا ؟

خليك مطمن تماما إنك طالما عملت البحث بنفسك ، ومش مطابق لبحث آخر والتزمت بعدد الكلمات والعناصر المطلوبه يبقى اطمن تمام ان بحثك هيتقبل 100%

س/ كلنا جايبين من نفس المصادر واكيد هيكون في تشابه بين بحثي وبين أبحاث زملائي . ده خطر ؟

لا طبعًا مش معنى إنك جايب من نفس المصادر يبقى بحثك هيكون نفس بحث زميلك ، كل طالب له طريقته وترتيبه للكلام ومن المستحيل إن اتنين من الطلاب هيكتبوا بنفس الترتيب والأسلوب والكلمات لو كل واحد فيهم فعلا كاتب البحث بنفسه .

س/ اكتب البحث على ورق معين ولا أي ورق؟

أي ورق مش هتفرق

س/ اسلم البحث ازاى للمدرسة ؟

هتحط الورق اللى كتبت فيه البحث في ظرف A4 وتقفله كويس قدامهم في المدرسة  وتكتب على الظرف من بره الكود والصف الدراسي فقط  ... ماتكتبش لا الاسم ولا المدرسة ولا المحافظة ولا اى حاجة تانية

س/ ممكن اعمل البحث الكتروني واحطه على سي دي واسلمه للمدرسة ؟

لا ... التسليم للمدرسة ورقي داخل ظرف مغلق

س/ إزاى ارفع البحث بنفسي على المنصة؟

ركز كويس ...  أول حاجة هتحول البحث بتاعك ل pdf وده فيديو هيشرحلك ازاى تحول البحث بتاعك ل pdf

بعد كده هتعمل إعادة تسمية للملف وهتكتب الكود بتاعك وبعده رقم الفصل  المقال ده فيه الشرح بالتفصيل : طريقة تسليم البحث على المنصة بالتفصيل واستنى ليوم 9 مايو عشان ترفعه على المنصة من اى فصل دراسي انت مشترك فيه -------------------------------------------------------------------------------------------------------------- لو عندك أي سؤال مش موجود في المقال قوله في التعليقات وهنجاوبك عليه  بالتوفيق للجميع  لا تنسوا مشاركة المقال في صفحتكم على فيس بوك والسلام عليكم ورحمة الله وبركاته